Jamala
Rusia ka vendosur këngëtaren ukrainase, që fitoi Eurovizionin në vitin 2016 ,në listën e kriminelëve të kërkuar.
Jamala, emri i plotë i së cilës është Susana Jamaladynova, është “në listën e kërkuar për akuza penale”, raportoi media shtetërore ruse TASS.
Sipas TASS, akuza mund të lidhet me shpërndarjen e lajmeve të rreme për ushtrinë ruse.
Jamala u shtua në listën e artistëve ukrainas të cilëve u ndalohet hyrja në Rusi për 50 vjet në prill 2022. Në vitin 2016, ajo fitoi Eurovizionin me një këngë ku flitej për deportimin nga Moska të anëtarëve të grupit të saj etnik të Krimesë gjatë Luftës së Dytë Botërore.
Jamala tha se ajo e shkroi këngën sepse ishte frymëzuar nga një histori që stërgjyshja i kishte treguar për dëbimin e familjes së saj dhe të tjerëve në Krime.
Performanca e këngës, e quajtur “1944”, u konsiderua një qortim i fortë ndaj shtytjes ushtarake të presidentit rus Vladimir Putin në vitin 2014 në Ukrainë, kur Rusia aneksoi Krimenë.
Media shtetërore ruse e quajti atë anti-ruse dhe Moska tha se shkelte rregullat e Eurovizionit./ CNN
Në prag të sfidës së nesërme ku Vllaznia do të pres në “Loro Borici” ekipin…
Teksa ka përfunduar shqyrtimi i dokumentacionit dhe kontrollet në terren, në qarkun Shkodër po vijon…
Figura e Artistit të Merituar Sali Mani, rapsodit të lahutës e çiftelisë, u përkujtua “in…
5 Pedagogë të Universitetit “Luigj Gurakuqi” kanë dalë në pension duke shpëputur marrëdhëniet me këtë…
Ka nisur mbrëmjen e së premtes Kampionati Kombëtar i boksit për vititn 2024, aktivitet që…
Pas restaurimit të fasadave të pallateve në lagjen “Partizani” në Shkodër, pak ditë më parë…
This website uses cookies.