Sa kohë i duhet antibiotikëve të veprojnë në organizëm?

Antibiotikët përdoren posaçërisht për të ndihmuar trupin tonë të luftojë infeksionet. Por shumë vende i janë bashkuar luftës për të parandaluar rezistencën ndaj antibiotikëve, ilaçet nuk përdoren më në mënyrë rutinore për të trajtuar të gjitha infeksionet. Antibiotikët nuk funksionojnë për çdo shqetësim.

Antibiotikët punojnë duke vrarë bakteret ose duke i parandaluar përhapjen e tyre. Megjithatë, ato nuk funksionojnë për infeksionet virale. Kjo përfshin ftohjet dhe gripin, Covid -in, infeksionet e veshit tek fëmijët dhe shumicën e kollës dhe dhimbjeve të fytit.

Megjithatë, në varësi të llojit dhe ashpërsisë së infeksionit, mund të duhet pak kohë para se antibiotikët të ndikojnë në simptomat. Si rregull i përgjithshëm, kur antibiotikët përdoren për të trajtuar infeksionet e zakonshme si infeksionet e veshit, infeksionet e traktit urinar dhe rinosinuzitin bakterial, shumica e njerëzve do të vërejnë një reduktim të ashpërsisë së simptomave të tyre brenda ditëve të para të fillimit të kursit. 

Antibiotikët fillojnë të veprojnë pothuajse menjëherë. Për shembull, amoksicilinës i duhet rreth një orë për të arritur nivelet maksimale në trup. Megjithatë, një person mund të mos ndjejë lehtësim simptomash deri vonë.

Ilaçet mund të jepen gjithashtu nëse infeksioni do të marrë shumë kohë për t’u pastruar vetë ose nëse ai mbart rrezikun e komplikimeve më serioze. Mos merrni një dozë të dyfishtë për të kompensuar një dozë të humbur pasi kjo mund të rrisë rrezikun e efekteve anësore