Salah 50 gola në Evropë, i pari në historinë e Liverpool: Krenar dhe i lumtur

Shtatë fitore nga shtatë në këtë fazë të Ligës së Kampionëve dhe seria pozitive e Lille përfundoi, pasi nuk ka humbur në 21 ndeshje. Liverpooli është i pandalshëm falë golashënuesit të tij më të mirë Mohamed Salah, i pari në histori që arrin 50 gola evropianë me ‘Reds’.

 “Jam shumë krenar. Të jesh lojtari i parë që arrin këtë moment historik për Liverpool-in do të thotë shumë. Jam shumë i lumtur, veçanërisht për fitoren e rëndësishme”.

“Unë nuk isha i fokusuar në këtë para ndeshjes. Lille ka një plan vërtet të mirë loje dhe ka kaluar 21 ndeshje pa humbje, kështu që ata janë një ekip mjaft i vështirë. Jam i lumtur që arritëm ta fitojmë këtë ndeshje.”