Samiti Azi-Paqësor, Bajden dhe presidenti i Meksikës diskutojnë për krizën fentanilit dhe të emigrantëve

Presidenti i SHBA Xho Bajden dhe presidenti meksikan Andres Manuel Lopez Obrador u takuan në San Francisko për të diskutuar mbi krizën e fentanilit dhe migracionit. 

“Unë e di se nuk është e lehtë” të merresh me migracionin përgjatë kufirit SHBA-Meksikan, i tha Bajden Obradorit në margjinat e forumit të Bashkëpunimit Ekonomik Azi-Paqësor (APEC).

Ndërsa, udhëheqësi meksikan u zotua të trajtojë trafikimin dhe prodhimin e fentanilit sintetik opioid si një “akt solidariteti, duke i thënë Bajdenit se ishte “plotësisht i vetëdijshëm për dëmin që i shkakton rinisë së Shteteve të Bashkuara dhe se do të punonin më shumë për ta ndaluar atë.

Çështjet e migrimit dhe fentanilit, të cilat kanë shkaktuar dhjetëra mijëra vdekje në Shtetet e Bashkuara, duket se do të dëmtojnë shumë garën e Bajden në zgjedhjet e vitit të ardhshëm në SHBA, në të cilat ai po kërkon një mandat të dytë qeverisës./AP/