Samiti i ‘Procesit të Berlinit’, qeveria akordon 51 mln lekë për organizimin, publikohet agjenda

Samiti i ‘Procesit të Berlinit’ që do të zhvillohet me 16 tetor në Tiranë merr një vëmendje të veçantë nga ana e qeverisë jo vetëm sa i përket aspekteve që kanë të bëjnë me sigurinë, por edhe sa i përket aspektit protokollar. Nisur nga kjo, qeveria, të martën, akordoi një fond prej 51 mln lekësh të reja për shpenzimet lidhur me Samitin.

Vendimi, i cili është botuar edhe në Fletoren Zyrtare, i kalon shumën e mësipërme Drejtorisë së Shërbimeve Qeveritare për përballimin e shpenzimeve të organizimit.

“Drejtorisë së Shërbimeve Qeveritare, në buxhetin e miratuar për vitin 2023, i shtohet fondi prej 51 000 000 lekësh, për përballimin e shpenzimeve të organizimit në Tiranë të Samitit të Procesit të Berlinit, datë 16 tetor 2023. Efekti financiar, prej 51 000 000 lekësh, përballohet nga fondi rezervë i buxhetit të shtetit, miratuar për vitin 2023. Ngarkohen Ministria e Financave dhe Ekonomisë dhe Drejtoria e Shërbimeve Qeveritare për zbatimin e këtij vendimi.”, thuhet në vendimin e qeverisë.

Samiti

Samiti i ‘Procesit të Berlinit’, do të jetë i ndarë në dy sesione. Ai do të fillojë më datë 16 tetor në orën 11:00, tek Piramida, ku do të nisë pritja zyrtare e liderëve evropianë. Fjalën hapëse do të mbahet nga kryeministri Edi Rama, e cila do të pasohet më pas nga kancelari gjerman, Olaf Scholz, Presidentja e KE-së, Von der Leyen dhe Presidenti i Këshillit Evropian, Charles Michel.

Në orën 12:00 do të nisë punimet samiti i sesionin e parë, ku do të diskutohet mbi Integrimin e Rajonit në Tregun Unik dhe Përmirësimi i Konvergjencës me BE

Sesioni i dytë do t’i kushtohet bashkëpunimit për investime në fusha të ndryshme, sfidat dhe mbështetje të tranzicionit të gjelbër dhe dixhital në Ballkanin Perëndimor.

Në mbyllje të samitit do të ketë edhe një konferencë për shtyp ku do të jenë të pranishëm kryeministri Edi Rama, kancelari gjerman Olaf Scholz dhe kryekomisionerja, Ursula von der Leyen.

AGJENDA

• 11:00 – Mbërritja dhe pritja, mundësi foto e liderëve me mikpritësin e samitit: Vendodhja: Tek Piramida, Bulevardi “Dëshmoret e Kombit”
• 11:30 Fjala e hapjes (3 minuta)
• E. Edi Rama, Kryeministri i Shqipërisë H.E. Olaf Scholz, kancelar i Republikës Federale të Gjermanisë
• E. Ursula von der Leyen, Presidente e Komisionit Evropian
• E. Charles Michel, President i Këshillit të BE-së
• 12:00 – Sesioni I i Punës: “Integrimi i Rajonit në Tregun Unik dhe Përmirësimi i Konvergjencës me BE” Vendi: Salla kryesore e Piramidës
• Formati: 1+2
• Udhëheqësit dhe kryetarët e delegacioneve ftohen të kontribuojnë (3 minuta)
• 13:30 – Foto familjare
• 14:00 – Dreka e punës: “Marrëdhëniet e fqinjësisë së mirë dhe çështjet dypalëshe: Drejt një paradigme të re evropiane” Vendi: restorant Padam
• Formati: 1+0
• 15:30 – Sesioni II i punës: “Mbështetja e tranzicionit të gjelbër dhe dixhital në Ballkanin Perëndimor: Sfidat dhe mundësitë për investime dhe rritje” Vendi: Salla kryesore e Piramidës
• Udhëheqësit dhe kryetarët e delegacioneve ftohen të kontribuojnë (3 minuta)
• 16:45 – Përurimi i Kolegjit të Evropës, Tiranë
• Përshëndetje nga znj. Federica Mogherini, Rektore e Kolegjit të Evropës
• Ogerta Manastirliu, Ministre e Arsimit dhe Sportit
• Majlinda Dhuka, Sekretare e Shtetit për Integrime Evropiane, She
• Negociator
• E. Ursula von der Leyen, Presidente e Komisionit Evropian
• E. Edi Rama, Kryeministër i Republikës së Shqipërisë
• Ora 17:30 – Nënshkrimi i Marrëveshjes Rajonale për Njohje Reciproke të
• Vendi i Kualifikimit Profesional: Piramida
• 17:45-Konferencë e përbashkët për shtyp
• E Edi Rama, Kryeministër i Republikës së Shqipërisë
• E. Olaf Scholz, kancelarja e Republikës Federale të Gjermanisë H.E Ursula von der Leyen, Presidente e Komisionit Evropian
• Vendi: Piramida
• 18:30 – Ceremonia e hapjes së Piramidës
• Video projeksion i Piramidës
• Fjalimet (Kryetari i AADF, Përfaqësues i TUMO-s, Kryetar i Bashkisë Tiranë, Kryeministri Rama)
• Përvoja e shfaqjes së dritës në VR
• Turne me guidë në Demonstrimin e Robotikës Piramidale. Në këtë event dhe turne janë të ftuar edhe bashkëshortët e liderëve
• 19:30 – Fundi i eventit