Komisioneri i Bashkimit Evropian për Zgjerimin dhe Fqinjësinë Oliver Varhei (Varhelyi) tha se Plani i Ri i Rritjes pritet të dyfishojë ekonomive e vendeve të Ballkanit Perëndimorë në 10 vitet e ardhshme. Në fjalën hapëse të Samitit BE-Ballkani Perëndimor, Varhei tha se megjithatë, ky Plan do të funksionojë në rast se edhe vendet e Ballkanit Perëndimor zbatojnë të gjithë rregullat e BE-së.
“Procesi i zgjerimit nuk ka të bëjë me kapitujt e ndryshëm të legjislacionit, pro është proces integrimi që do të thotë se ekonomia e BP të integrohet në BE që do të thotë që edhe BE duhet të ofrojë përfitimet që sjellë anëtarësimi përpara se vendet tuaja të bëhen pjesë e BE. Kjo është ideja që ne sjellim me Planin e Rritjes. Është plan ambicioz dhe kemi besim të plotë te vendet e BP që do arrini t’i merrni të mirat e këtij plani që ka mundësi të kontribuojë në dyfishimin e ekonomive të vendeve të BP në 10 vitet e ardhshme. Që të ecim përpara na duhet që rajoni të ecë përpara vetë me shpejtësi, kjo do të thotë që të arrihen rezultate për ato reforma që e bëjnë këtë plan funksional. Ky plan do të funksionojë nëse ju i zbatoni të gjitha rregullat e BE”, u shpreh ai.
Po ashtu Varhei i bëri thirrje institucioneve financiare të BE-së që përveç 30 mld eurove, të jepen edhe 6 mld euro për vendet e rajonit.
“Dëshira ime është për partnerët tanë të institucioneve financiare që përveç 30 mld eurove ne kërkojmë që ju të na jepni edhe një 6 mld tjetër. Pra 19% e atyre që do të ofrohen në rajon do të merren deri në vitin 2027. Banka Europian e Investimeve, BERZH, FMN duhet të përshpejtojnë punën dhe të tregohen më të shpejtë se më parë. Jemi në fillimet e një ndryshimi rrënjësor, por edhe të shpejtë në Ballkanin Perëndimor”, u shpreh Varhei.
Gjykata e Apelit në Tiranë ka liruar nga paraburgimi shtetasin italian Salvatore Di Tella që…
Në kuadër të reformës së arsimit profesional në vend, këtë vit të ri shkollor ka…
Ndryshe nga dita e parë, e cila kishte në konkurim 12 ndeshje, dita e dytë…
Shiroka mbetet një ndër destinacionet e preferuara nga qytetarët shkodran dhe jo vetëm. Të shumtë…
Policia e Shkodrës ka asgjësuar këtë të dielë ne fshatin Xhan njësia administrative Pult, në Shkodër, rreth 390…
Ministri për Evropën dhe Punët e Jashtme, Igli Hasani ka mbërritur në Nju York, për…
This website uses cookies.