Serbia dhe Franca plotësojnë gjysmëfinalet

Koshi i fundit i Jokic dhe Serbia është kualifikuar për në gjysmëfinale të turneut olimpik në Paris 2024. 95-90 në një ndeshje të luftuar me Australinë, e cila në fakt e ka nisur sfidën në mënyrë spektakolare, teksa që në periodën e parë është shkëputur me 14 pikë diferencë.

Serbia nis të rekuperojë dhe në pushim ka shkuar me disavantazhin 42-54. Në mesin e periodës së tretë ka përmbysur e deri në fund ka qenë në avantazhin e dy pikëve 82-80. Një kosh i fundit i australianëve çon ndeshjen në kohën shtesë pas së cilës triumfojnë serbët, të cilët ashtu si Gjermania kalojnë në raundin gjysmëfinal.

Ndërkohë gjysmëfinalistja e tretë është Franca, e cila ka eleminuar Kanadanë, që në fakt shihej si kundërshtari që mund t’i bënte ballë Shteteve të Bashkuara të Amerikës.

82-73 për Francën mes shumë drithërimash dhe e mërkura do të jetë për çerekfinalet e basketbollit të vajzave, që vazhdojnë të sjellin dhe ato shumë emocione në këto Lojëra Olimpike “Paris 2024”.