Sfidat aktuale të tregut mediatik

Është zhvilluar në Bukuresht mbledhja e 58-të e Platformës Europiane të Autoriteteve Rregullatore, me fokus  “Sfidat aktuale të tregut mediatik“, ku pjesëmarrësit prezantuan gjetjet e tyre. 

Si presidente e Rrjetit Mesdhetar të Enteve Rregullatore,  Armela Krasniqi, paraqiti në këtë takim prespektivën  aktuale të tregut mediatik parë në këndvështrim rajonal dhe europian, duke i njohur pjesëmarrësit me konkluzionet e nxjerra në Asamblenë e 22-të Plenare të Rrjetit Mesdhetar, organizuar pak javë më parë në Tiranë. 

Format dhe rrugët e reja të komunikimit,të shtuara dhe të transformuara nga zhvillimi i teknologjise, tha Krasniqi, na kanë vënë përballë kushtesh  të reja përshtatjeje dhe nevojës për hartimin e strategjive shtesë, siç e dikton tregu.

Platforma Europiane e  Autoriteteve Rregullatore u krijua në vitin 1995 si nevojë për rritjen e bashkëpunimit mes enteve europiane rregullratore. Ajo është rrijeti më i vjetër dhe më i madh i rregullatorëve të transmetimit dhe konsiderohet si mjedis ideal për shkëmbimin e informacioneve dhe përvojave mes rregullatorëve të transmetimit në Europë.