SHBA/ Republikanët, garë të brendshme për shkarkimin e kreut të Përfaqësuesve në Senat

Republikanët në SHBA kanë nisur një mocion për shkarkimin e kolegut dhe njëherësh kreut të Dhomës së Përfaqësuesve, Kevin Mekkarti (o. McCarthy).

Mocioni u nis nga republikani Met Gec (o. Matt Gaetz) nisur nga tensionet që u shfaqën përgjatë fundjavës, pasi Mekkarti miratoi një projektligj me ndihmën e demokratëve për të financuar agjencitë qeveritare.

Kryesia tani ka dy ditë për ta hedhur kërkesën për votim.

Udhëheqësi i Dhomës së Përfaqësuesve është i dyti në linjë për pozitën e presidentit, pas nënpresidentit.

Ai ka pushtetin të kontrollojë punët e komiteteve dhe mund të bëjë ose zhbëjë agjendën e Shtëpisë së Bardhë.

Në marrëveshjen e arritur të shtunën, e cila shmangi mbylljen e qeverisë amerikane, nuk është përfshirë ndihma ushtarake për Ukrainën në vlerë të gjashtë miliardë dollarëve, sepse Geci dhe disa ultrakonservatorë të tjerë këmbëngulin se Shtetet e Bashkuara kanë shpenzuar shumë në luftën e nisur nga Rusia.

Bajden është zotuar se do ta ndihmojë Ukrainën, pavarësisht marrëveshjes së fundit buxhetore.

Për të shkarkuar Mekkartin pozitës i nevojitet një shumicë e thjeshtë, por deri tani pak republikanë kanë janë treguar të gatishëm për të bërë diçka të tillë. /Evropa e Lirë