“Shega Fest”/Prej 2 dekadash në Lezhë e kthyer në traditë festa e shegës

Eventi i kthyer në traditë, promovon vlerat e këtij produkti që po kultivohet masivisht në këtë rajon.
“Shega fest” u titullua aktiviteti kulturor i cili u organizua në Lezhë.I gërshetuar me këngë e valle dhe përveç promovimit të vlerave të shegës që po pasuron gastronominë e restoranteve të zonës në panair u ekspozuan gatimet tradicionale si dhe etnografia e këtij rajoni.Ambjentalisti Jak Gjini thotë se ky frut është gjetur në natyrë e egër në Lezhë, por tashmë edhe kultivohet duke zgjeruar përdorimin e saj.Kreu i bashkisë Lezhë, Pjerin Ndreu, foli për nevojën për ta bërë shegën jo vetëm pjesë e përditshmërisë por edhe për mbështetjen e nevojshme ndaj fermerëve që së fundmi kanë nisur të shtojnë sipërfaqet.Shega ka marrë rëndësi të veçantë në kuzhinat e restoranteve të Lezhës duke e përfshirë në gatime të ndryshme.Festa e shegës ka nisur 20 vite më parë, duke u kthyer në traditë me synimin për ta masivizuar dhe për ti dhënë edhe një tjetër identitet Lezhës.