Shehu: Ndryshimet për Kodin Zgjedhor, sipërfaqësore. PD del me Berishën në fushatë

Deputeti demokrat Tritan Shehu i ka cilësuar ndryshime sipërfaqësore dakordësinë e arritur mes PS dhe PD për të ndryshuar Kodin Zgjedhore. Në një intervistë për RTSH 24 , Shehi tha se PS nuk donte një reformë zgjedhore të mirëfilltë dhe me këto ndryshime thjeshte pranoi të bëj disa rregullime në Kodin Zgjedhor.

“Janë ndryshime sipërfaqësore dhe nuk kemi të bëjmë me një reformë zgjedhore se PS nuk e pranoi një gjë të tillë.PS nuk pranoi të bënte ndryshime thelbësore që nga njohja e koalicioneve. Duhet të kishe elementë të tjerë për të adresuar rekomandimet e OSBE/ODIHR-i. Kemi të bëjmë me disa rregullime që janë imponuar nga gjykata kushtetuese. Vota e diasporës është një nga kërkesat tona konstante. Në parim është pozitiv por ka ende për të bërë, ky kod zgjedhor nuk jep siguri për zgjedhje të lira dhe të ndershme”, tha Shehi.

A është PD më e formë më këto ndryshime zgjedhore në zgjedhjet e 2025? Për Shehin, PD është e fortë për shkak të zgjerimit dhe programit që ka, ndërsa theksoi se do dalë në fushatë dhe si kandidat për kryeministër me Sali Berishën, edhe pse ky i fundit ndodhet në “arrest shtëpie”.

“Ne do dalim bë fushatë me Zotin Berisha dhe ai është kandidati ynë për kryeministër. Ata e bëjnë në arrest se e kanë frikë. PD është e fuqishëm në këto zgjedhje për shkak të programit, zgjerimit të ka dhe luftën ndaj regjimit”, tha Shehu.