Shembet çatia e kishës në Meksikë, humbin jetën 9 persona

Nëntë persona kanë humbur jetën dhe rreth 20 të tjerë janë bllokuar pas shembjes së një çatie kishe në Meksikë.

Mediat lokale raportuan se 49 persona u lënduan dhe u dërguan në spital për të marrë ndihmën e nevojshme mjekësore.

Policia në shtetin bregdetar të Tamaulipas bëri me dije se rreth 100 persona ishin në meshë në momentin e shembjes.

Një numër fëmijësh besohet të jenë në mesin e të bllokuarve dhe përpjekjet e shpëtimit janë duke vazhduar.

Peshkopi i dioqezës së Tampico-s, José Armando Álvarez Cano, i dërgoi një mesazh komunitetit në mediat sociale duke thënë se po punohet “për të gjetur ata nën rrënoja”.

Ai tha se ishte një “kohë e vështirë” dhe përfundoi fjalimin e tij në video duke thënë: “Zoti ju ndihmoftë”.