Shpesh, simptomat e një sulmi në zemër, veçanërisht tek gratë, mund të jenë të shumta.
Edhe pse burrat dhe gratë mund të përjetojnë presion të madh në gjoks, gratë mund të përjetojnë një sulm në zemër pa e ndier presionin në gjoks.
Sipas mjekëve, presioni ose dhimbja në qendër të gjoksit dhe dhimbja në njërin apo të dy krahët, janë një nga shenjat kryesore të sulmit në zemër tek gratë.
Kjo mund të zgjasë më shumë se disa minuta ose mund të largohet dhe të kthehet përsëri.
Dhimbja e shpinës mund të jetë një nga shenjat kryesore të një sulmi në zemër.
Kjo dhimbje, mund të përshkruhet si presion në shpinë, që ndjehet si një litar i lidhur dhe i shtrënguar fort rreth saj.
Gjithashtu dhimbja e stomakut mund të jetë një tjetër shenjë, të cilën shumë gra e anashkalojnë.
Gulçimi mund të shfaqet me ose pa shqetësime në gjoks, mund të jetë gjithashtu një tjetër sinjal.
Ju mund të mos jeni në gjendje të mbusheni me frymë dhe të ndiheni sikur të keni vrapuar në një maratonë, por në të vërtetë nuk keni bërë asnjë lëvizje.
Të përzierat, urthi ose dhimbjet e barkut, mund të jenë gjithashtu shenja që lidhen me sulmin në zemër.
Mund të kenë marrje mendsh
Sipas mjekëve, marramendja ose gjendja e të fikëtit, janë shenja të tjera paralajmëruese të një sulmi kardiak tek gratë.
Nëse papritmas ndiheni të pafuqishëm, pas një aktiviteti të thjeshtë si për shembull rregullimi i shtratit dhe keni një ndjesi rëndese në gjoks, ky mund të jetë një tjetër sinjal.
Disa njerëz gjithashtu mund të përjetojnë dhimbje në qafë ose në nofull. Mjekët vërejnë se mund të ndjeni dhimbje në anën e majtë dhe të poshtme të nofullës.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.