Shënohet 24 vjetori i themelimit të Policisë së Kosovës

Sot shënohet 24-vjetori i Policisë së Kosovës. Për këtë arsye në Prishtinë janë parashikuar të realizohen aktivitete. Në këtë mënyrë, në të gjitha stacionet policore të Policisë së Kosovës, do të aplikohet “Porta e hapur” duke filluar nga ora 10:00, ku qytetarët e interesuar mund të vizitojnë ato.

Në sheshin “Ibrahim Rugova” dhe në sheshin “Skënderbeu” do të bëhet ekspozimi i disa njësiteve dhe pajisjeve policore, duke filluar nga ora 10:00 deri në ora 13:00, ku në orën 11:00 drejtori i Përgjithshëm i Policisë së Kosovës, kolonel Gazmend Hoxha së bashku me ministrin e Punëve të Brendshme Xhelal Sveçla, do t’i vizitojnë njësitet policore.

Gjithashtu, do të bëhet edhe ekspozimi i pajisjeve dhe njësiteve policore në Sheshin “Ibrahim Rugova” dhe sheshin “Skënderbeu”.

Në ceremoninë zyrtare, pritet të marrin pjesë personalitete të larta vendore e ndërkombëtare. /RTK