Sherr për konkurencën në lumin e Shalës/Babë e bir kanosin një person me armë pneumatike
Babë e bir u proceduan penalisht nga Policia e Shkodrës pasi dyshohet se kanë kërcënuar me armë pneumatike një konkurentin e tyre në fushën e transportit të turistëve me varka në lumin e Shalës.Referuar burimeve zyrtare nga policia nisi procedimin penal të shtetasve përkatësisht 55 dhe 24 vjeç. Sipas policisë pas administrimit të menjëhershëm të kallëzimit të një 58-vjeçari, se ishte kanosur me armë pneumatike, nga 2 shtetas, për motive konkurrence në fushën e transportit me varka të turistëve për te lumi i Shalës, Komisariati i Policisë Vau i Dejës referoi materialet në Prokurori, ku nisi procedimi në gjendje të lirë, për veprat penale “Kanosja”, “Prodhimi, mbajtja, blerja apo shitja pa leje e armëve të ftohta” dhe “Prodhimi dhe mbajtja pa leje e armëve të gjuetisë dhe sportive”, për autorët e dyshuar të rastit. Nga kontrollet në banesën e këtyre shtetasve, Policia gjeti dhe sekuestroi në cilësinë e provës materiale, armën pneumatike me të cilën dyshohet se u krye kanosja dhe 1 mjet prerës (thikë), që posedoheshin pa leje njofton policia.
