Sherr për pronën në Velipojë , procedohet 58-vjeçari, u konfliktua me dy vëllezër
Specialistët për Hetimin e Krimit në Stacionin e Policisë Velipojë, bazuar në kallëzimet e bëra nga dy vëllezër proceduan penalisht shtetasin T. D., 58 vjeç, për vepren penale “Demtime të tjera me dashje”. Sipas policisë, pasditen e djeshme, në rrugën “Ibiza”, në fshatin Rrjollë në Velipojë, shtetasi me iniciale T. D, është konfliktuar, dyshohet për motive pronësie, me vëllezërit L. Molla, 65 vjeç dhe P. Molla, 58 vjeç. Si pasojë e konfliktit, 58-vjeçari P.Molla pësoi dëmtime të lehta fizike. Vijon puna për identifikimin e dy personave të tjerë të përfshirë në këtë konflikt, si dhe për dokumentimin e plotë ligjor të rastit. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për vepren penale “Dëmtime të tjera me dashje””, njofton policia.
