Shkarkohet presidenti i Federatës Braziliane

Federata Braziliane e Futbollit është tronditur pasi Gjykata e Drejtësisë e ka shpallur si të paligjshme zgjedhjen e presidentit Ednaldo Rodrigues dhe ka vendosur shkarkimin e tij. Rodrigues u bë president i përkohshëm i federatës në gusht 2021, kur paraardhësi i tij dha dorëheqjen pas disa akuzave për ngacime seksuale.

Mandati i Rodriguesit duhej të skadonte në prill 2023, por në mars 2002 u anashkalua me firmën e një marrëveshjeje midis Rodriguesit dhe Prokurorisë së Rio De Janeiros që lejonte zgjedhjen e presidentit në mënyrë definitive, si kandidat i vetëm. Pikërisht kjo marrëveshje është kundërshtuar nga zëvendëspresidentët e Federatës Braziliane dhe u shpall si e paligjshme nga Gjykata.

Zhvillimet në Brazil mund të ndryshojnë edhe të ardhmen e Karlo Ançelotit i cili te Rodrigues kishte përkrahësin kryesor për marrjen e rolit të trajnerit të kombëtares braziliane, një zgjedhje e kundërshtuar nga shumë të tjerë. Tani situata mund të ndryshojë, por fillimisht duhet pritur edhe apelimi, të cilin Rodrigues ka të drejtë ta bëjë brenda 30 ditëve.