Shkodër- Goditën me sende të forta një person, arrestohet 1 nga autorët, në kërkim 5 të tjerët

Zbardhet brenda pak orësh ngjarje e djeshme (3 qershor) në Shkodër, ku një person u godit me sende të forta.

Policia ka bërë të mundur arrestimin e një 47-vjeçari, ndërsa janë shpallur në kërkim 5 persona të tjerë.

Blutë e Shkodrës kanë sqaruar se 6 persona goditën fizikisht dhe me sende të forta një person pas një konflikti për vendparkimin e automjeve.

“Në vijim të veprimeve procedurale: u arrestua shtetasi E. S., 47 vjeç dhe u shpallën në kërkim shtetasit I. S., 23 vjeç, S. H., 27 vjeç, A. K., 31 vjeç, S. T., 24 vjeç dhe A. B., 27 vjeç, të gjithë banues në Shkodër.  

Këta shtetas kanë goditur fizikisht dhe me sende të forta, gjatë konfliktit për vendparkimin e automjeteve, shtetasin V. B., i cili vijon të jetë në kujdesin e mjekëve. Nga veprimet hetimore dyshohet se shtetasi E. S. ka patur me vete armë zjarri, ndërsa shtetasi A. B. dyshohet se ka kryer veprime që pengojnë zbulimin e ngjarjes.  

Këta shtetas kanë goditur fizikisht dhe me sende të forta, gjatë konfliktit për vendparkimin e automjeteve, shtetasin V. B., i cili vijon të jetë në kujdesin e mjekëve. Nga veprimet hetimore dyshohet se shtetasi E. S. ka patur me vete armë zjarri, ndërsa shtetasi A. B. dyshohet se ka kryer veprime që pengojnë zbulimin e ngjarjes”, thuhet në njoftim.