Një ngjarje e rëndë është regjistruar orët e para të mëngjesit të kësaj të mërkure në fshatin Bardhaj të Shkodrës. Një efektiv i FNSH teksa po drejtonte motomjetin, ka humbur kontrollin dhe ka rënë në një kanal me ujë.
Sipas informacioneve nga blutë e Shkodrës, bëhet me dije se 51-vjeçarin Nikollë Lekndreaj e ka marrë rrjedha e ujit e për pasojë ka humbur jetën.
Shërbimet e Policisë gjatë kontrollit të kanalit që të çon në lumin Kir, kanë bërë të mundur gjetjen e trupit të pajetë të 51-vjeçarit.
“Rreth orës 02:50, në fshatin Bardhaj, shtetasi N. L., 51 vjeç, (punonjës policie i Forcës Kombëtare të Sigurisë, Njësia Shkodër, i cili ishte jashtë orarit të shërbimit), duke drejtuar motomjetin e tij, dyshohet se ka humbur kontrollin mbi drejtimin e motomjetit, si pasojë e motit të keq, dhe për pasojë motomjeti ka dalë nga rruga, duke rënë në një kanal me ujë.
Shtetasin N. L. e ka marrë rrjedha e ujit dhe për pasojë ka humbur jetën.
Shërbimet e Policisë, përgjatë orëve të mëngjesit, gjatë kontrollit të kanalit që të çon në lumin Kir, kanë bërë të mundur gjetjen e trupit të pajetë të 51-vjeçarit”, thuhet në njoftim.
Grupi hetimor vijon punën për sqarimin e rrethanave dhe dokumentimin ligjor të këtij rasti.
Shtatë gjyqtarë të Gjykatës së Posaçme dhe shtatë gjyqtarë të Apelit të Gjykatës së Posaçme…
Instituti Kombëtar i Trashëgimisë Kulturore njoftoi se ka përfunduar ndërhyrja konservuese/restauruese në pikturën murale të…
Presidenti i Polonisë, Andrzej Duda, u ka kërkuar amerikanëve polakë që të votojnë në zgjedhjet…
Astronomët kanë zbuluar diçka mjaft të jashtëzakonshme që vjen nga thellësitë e hapësirës, pasi zbuluan…
Sirenat kanë rënë në Tel Aviv dhe Izraelin qendror, ndërsa Hezbollahu qëlloi një raketë drejt…
Sipas një studimi të fundit bëhet e ditur se ndotja nga ngrohja e planetit dyfishoi…
This website uses cookies.