Shkodra zbukurohet për festat/Më 1 dhjetor, në orën 18:00, pritet të ndizen dritat e festave të fundvitit

Pas ngjyrave të festave të nëntorit, qyteti i Shkodrës kalon në atmosferën e fundvitit, duke u zbukuruar me dekore dhe drita që krijojnë një atmosferë magjike.
Prej disa ditësh, Ndërmarrja e Shërbimeve Publike të Bashkisë Shkodër po punon për t’i ofruar qytetit një atmosferë të ngrohtë dhe festive. Qyteti është duke u mbushur me drita shumëngjyrëshe dhe elementë dekorativë, që do të krijojnë një mjedis të gëzueshëm dhe tërheqës për të gjithë.Sheshet janë zbukuruar me drita dhe dekorime të shumta, të cilat pritet të ndizen pasditen e së dielës. Gjithashtu, Shkodra pritet të mirëpresë një numër të madh vizitorësh, të cilët do t’i bashkohen atmosferës festive dhe aktiviteteve të ndryshme që do të zhvillohen gjatë muajit dhjetor.