Shkodranët e Besëlidhjes, baza e formacionit lezhjan/Bardulla dhe Musaraj, dy nga 7 ish-kuqeblutë që luajnë në Lezhë

Bashkëpunimi mes Besëlidhjes dhe Vllaznisë ka qënë prezent prej shumë vitesh në fushën e futbollit. Në Shkodër, me uniformën kuqeblu kanë luajtur jo pak futbollistë me emër, të cilët kanë lënë përshtypje mjaft të mira. Por, nga ana tjetër, më të shumtë kanë qënë futbollistët shkodranë që kanë luajtur për Besëlidhjen. Vetëm këtë sezon futbollistik të kategorisë së dytë, në dispozicion të trajnerit Dritan Smajlaj, janë plot shtatë ish kuqeblu: Bardulla, Dibra, Hebaj, Ruçi, Musaraj, Elbasani, dhe portjeri Kaçi. Ndërkohë, figurë shumë të mirë sportive po shfaq në radhët e Besëlidhjes, edhe i riu Rigers Musaraj, madje në ndeshjen e fundit ndaj Tërbunit, shënoi golin e fitores për lezhjanët.Krahas kontributit për Besëlidhjen, një pjesë e tyre, synon që me paraqitjet e mira në radhët e lezhjanëve të marrin besimin e drejtuesve të Vllanzisë për një rikthim pranë kuqebluve.