Shpërthim i fortë në një restorant në Kinë, 2 viktima dhe mbi 20 të plagosur
Të paktën dy persona kanë humbur jetën dhe më shumë se 20 janë plagosur pas një shpërthimi që në një restorant në provincën Hebei të Kinës.
Sipas raporteve shtetërore, një rrjedhje gazi mund të ketë shkaktuar shpërthimin në Sanhe.
Videot që qarkullojnë në internet treguan shtëllunga të mëdha tymi në rrugë, ndërsa ndërtesat dhe makinat pranë restorantit po ashtu pësuan dëmtime.
Kina është përballur me një sërë incidentesh vdekjeprurëse të shkaktuara nga rrjedhjet e gazit në vitet e fundit.
Qershorin e kaluar, një shpërthim gazi në një restorant në rajonin veriperëndimor Ningxia vrau 31 persona. Pas atij shpërthimi, rregullatorët e tregut kinez lëshuan udhëzime të detajuara mbi përdorimin e pajisjeve me gaz dhe sobave për të shmangur rreziqet e sigurisë./ CNN
/rtsh.al/
