“Shpresa”, kampi i veçantë veror/Mila: I ndarë në 3 sesione, marrin pjesë më shumë se 250 persona
Ky është kampi veror ‘Shpresa’ në Velipojë. Aktualisht nga data 1 korrik deri më 15 pranë këtij kampi i cili ndodhet në Velipojë po marrin shërbim rreth 85 persona ku 50 prej tyre janë me aftësi të kufizuar. Krahas stafit dhe vullnetarëve fëmijët janë të shoqëruar edhe nga prindërit. Për organizatorin Luigj Mila ky është i 12 vit që menaxhon këtë kamp i cili fillesat i ka që në vitin 1995. Padër Agustini ka ardhur nga Meksika ndërsa Ignacy dhe Ryszard nga Polonia. Përshtypjet e tyre janë mbresëlënëse teksa thonë se do të rikthehen sërish për të ndihmuar këta fëmjë. Kampi veror “Shpresa” është i vetmi kamp i këtij lloji në Ballkan për personat me aftësi ndryshe, si një dritë jeshile për argëtim, gjithpërfshirje dhe barazi.
