Shqipëri-Çeki, formacioni i mundshëm i kombëtares

Kombëtarja po bën përgatitjet e fundit për sfidën vendimtare kundër Çekisë në Nations League, që do të luhet të shtunën në mbrëmje në stadiumin “Air Albania” në orën 20:45.

Trajneri Silvinjo ka pasur probleme me mungesat në prag të kësaj ndeshjeje të rëndësishme, pasi duhet të përballet me çekët pa ndihmën e Gjimshitit, Kumbullës, Bares dhe Manajt.

Redaksia e RTSH Sport, që ka ndjekur nga afër stërvitjes e skuadërs kuqezi, ka përgatitur formacionin e mundshëm të kombëtares për ndeshjen e së shtunës.

Në portë titullar pritet të jetë Strakosha. Mungesat në mbrojtje, limitojnë zgjedhjet e Silvinjos në këtë repart. Dyshja e qendrës pritet të formohet nga Ajeti dhe Ismajli, ndërsa në krah do të luajnë Mitaj dhe Balliu.

Më e qartë situata në mesfushë, ku bashkë me Asllanin dhe Ramadanin, pritet që të luajë që nga minuta e parë Laçi.

Përsa i përket repartit të avancuar, Bajrami dhe Asani nga krahët do të ndihmojnë Tucin në majën e sulmit.