Shqipëri-Norvegji në RTSH, vajzat kuqezi sfidojnë një rival të fortë në Loro Boriçi
Kombëtarja shqiptare e vajzave do të luajë sot takimin e parë ndaj Norvegjisë, e vlefshme për raundin e parë të Play Off-it për Europianin “Zvicër 2025”.
Takimi do të luhet në ora 16:00 në stadiumin “Loro Boriçi” dhe do të transmetohet në RTSH 2. Ndërkohë FSHF njofton të gjithë tifozët se hyrja në stadium do të jetë falas.
Pavarësisht emrit të kundërshtarit, vajzat kuqezi të drejtuara nga trajneri Grima, synojnë një rezultat pozitiv në këtë përballje. Më 29 tetor, kuqezezat do të luajnë takimin e dytë ndaj norvegjezëve në Oslo.
