Categories: LajmeSport

Shqipëria e mbyll në vend të fundit

Kombëtarja shqiptare e vajzave U-17 luajti mesditën e sotme sfidën e dytë dhe të fundit ndaj Izraelit, e vlefshme për raundin e dytë të ndeshjeve të Kampionatit Europian për këtë grupmoshë. Në ndeshjen e luajtur në stadiumin “Air Albania”, vajzat kuqezi u mundën me rezultatin 3-1, teksa golin e vetëm për Shqipërinë e realizoi Klesta Ago.

Trajneri i ekipit kombëtar U-17, Agustin Kola hodhi në fushë këtë 11-she titullare: Amelia Mone (GK), Angela Nika, Klevisa Ndoci, Natali Gjergji, Bora Bushati, Klesta Ago (c), Tiana Gjonaj, Xhesika Ndoj, Leoselda Stalaj, Isabella Kuci, Stela Vata.

Vajzat kuqezi kaluan të parat në epërsi falë golit të shënuar nga Klesta Ago, e cila realizoi nga goditja e dënimit, duke e dërguar topin drejt e në portë në minutën e 11-të të takimit. Por izraelitet u kundërpërgjigjën shpejt, duke barazuar fillimisht takimin në minutën e 23-të e më pas duke realizuar edhe dy gola të tjerë në minutat 34-t dhe 37-të. Pjesa e parë mbyllet me rezultatin 3-1 në favor të Izraelit.

Nuk ndryshon rezultati në fraksionin e dytë, me Shqipërinë që mundet kështu me shifrat 3-1 nga Izraeli në stadiumin “Air Albania”. Kombëtarja shqiptare do të luajë në Ligën B edhe në kualifikueset e ardhshme të Kampionatit Europian për vajza U-17.

Ndeshjet e grupit B6 u zhvilluan në vendin tonë në datat 20-26 shkurt, nën organizimin dhe mbikëqyrjen e Federatës Shqiptare të Futbollit.

Më poshtë rezultatet e ndeshjeve kualifikuese të Kampionatit Europian U-17 për vajza në grupin B6:

Datë 20.02.2024

Shqipëri-Irlandë 1-7

Datë 23.02.2024

Irlandë-Izrael 3-0

Datë 26.02.2024

Izrael- Shqipëri 3-1

RTSH Shkodra

Recent Posts

Luleshtrydhe me pesticide nga Greqia, AKU bllokim importit deri në analizimin e plotë të sasive

Autoriteti Kombëtar i Ushqimit njoftoi se për një sasi prej 52 kg luleshtrydhesh të importuara…

2 hours ago

Zgjedhjet e 11 majit, Spiropali takon misionin vëzhgues parazgjedhor të Asamblesë Parlamentare të KE-së

Kryetarja e Kuvendit, Elisa Spiropali, priti në Kryesinë e Kuvendit, misionin vëzhgues parazgjedhor të Asamblesë…

2 hours ago

Zgjedhjet parlamentare të 11 majit, misioni i Këshillit të Evropës takon Celibashin, Komisionin e Ankimimeve dhe atë Rregullator

Në kuadër të ftesës për të vëzhguar zgjedhjet parlamentare të 11 majit, një mision parazgjedhor…

2 hours ago

Shqipëria e vajzave shkëlqen në “Loro Boriçi”

Kombëtarja shqiptare e vajzave arriti një fitore të madhe në “Loro Boriçi”, duke mposhtur Kroacinë…

2 hours ago

Thellohet bilanci i viktimave! Shkon në 60 numri i personave që humbën jetën nga zjarri në RMV

Numri i të vdekurve nga zjarri që shpërtheu më 16 mars në një klub nate…

5 hours ago

Pengmarrja në Lezhë, detajet e reja – Dod Gjoka: Kemi patur një konflikt të çastit, policia vijon kërkimet për 3 autorët

"Me tre përsonat kemi patur një konflikt të çasti dhe nuk jam në gjendje të…

6 hours ago