Lajme

Shqipëria e vajzave njeh kundërshtaret e Ligës së Kombeve

Shqipëria e vajzave njohu sot 3 kundërshtaret me të cilat do të përballet në Ligën e Kombeve. Shorti e vendosi Kombëtaren e Armir Grimës në grupin B4, përballë Çekisë, Ukrainës dhe Kroacisë.

Ndeshjet e para do të luhen në muajin shkurt dhe faza e grupeve do të mbyllet në qershor të vitit të ardhshëm. Ndeshjet do të zhvillohen sipas sistemit vajtje-ardhje dhe kalendari me datat, oraret dhe stadiumet se ku do të luhen takimet do të vendosen në vijim.

Kombëtarja shqiptare e vajzave ndodhet në Ligën B pas suksesit në edicionin kualifikues të Euro 2025. Vajzat kuqezi e mbyllën në vendin e parë në grupin C5 dhe siguruan pjesëmarrjen në Ligën B.

Sipas skemës së përcaktuar nga UEFA, katër ekipet e Ligës B që dalin në krye të grupeve përkatëse do të ngjiten direkt në Ligën A, ndërsa katër ekipet e renditura në vendet e dyta në Ligën B do të përballen me katër skuadrat e renditura në vendet e treta në Ligën A, ku fituesit do të qëndrojnë/zbresin në Ligën A/B.

Dy vendet e treta më të mira të grupeve të Ligës B do të përballen me dy vendet e dyta më të mira të grupeve në Ligën C. Fituesit do të luajnë në Ligën B në kualifikueset e Europianit ndërsa humbëset do të jenë pjesë e Ligës C.

Tre ekipet e renditura në vendet e treta në Ligën B do të luajnë kundër tre ekipeve të renditura më mirë në grupin C, ndërsa vendi i tretë më i dobët në Ligën B dhe katër vendet e fundit të secilit grup do të zbresin automatikisht në Ligën C.

RTSH Shkodra

Recent Posts

Llazani: Nder të drejtoj Vllazninë e basketbollit – Shkodranët vijojnë përgatitjet për ndeshjen me Tiranën

Trajneri Eni Llazani e ka cilësuar si nder të drejtojë Vllazninë e basketbollit të meshkujve.…

2 minutes ago

KF Shiroka merr fitoren e parë, derbi  Murlani – Basania përfundon me rrjeta të paprekura

KF Shiroka ka arritur të marrë fitoren e parë në kampionat duke mposhtur në fushën…

12 minutes ago

Arton Podrimcaku largohet nga Vllaznia – Lajmi u bë i ditur nga Klubi i futbollit Vllaznia

Klubi i futbollit Vllaznia ka njoftuar përmes faqes së saj se ka mbyllur bashkëpunimin me…

14 minutes ago

Ndotje masive në Liqenin e Fierzës – Vendosen rrjeta metalike për të penguar ardhjen e mbeturinave nga Kosova

Ndotja e sipërfaqes së liqenit të Fierzës është masive sidomos pas reshjeve të shiut në…

54 minutes ago

PS propozon datën 11 maj për zgjedhjet parlamentare

Sekretari i Përgjithshëm i Partisë Socialiste, Blendi Klosi dhe kreu i grupit parlamentar socialist Niko…

57 minutes ago

Gjimshiti lë pas dëmtimin, mbrojtësi kuqezi në dispozicion të Gasperinit për sfidën e Champions League

Pas suksesit përballë Parmës në kampionat në fundjavë, Atalanta përgatitet për ndeshjen e radhës në…

1 hour ago

This website uses cookies.