Shqipëria i ka bërë thirrje Këshillit të Sigurimit të mbështetet formula e paqes e propozuar nga Presidenti Zelenski për Ukrainën. Në takimin e 31 tetorit të Këshillit të Sigurimit, Ambasadori shqiptar Ferit Hoxha e risolli në vëmendje propozimin e paqes, referuar edhe një rezolute të OKB-së që e kërkon këtë.
“Ne mbështesim Formulën e Paqes të propozuar nga Presidenti Zelensky. Një takim i 66 vendeve u mbajt në Maltë disa ditë më parë, duke konfirmuar një mbështetje në rritje për një rrugë drejt një paqeje të drejtë, siç kërkohet në një rezolutë të OKB-së. Pavarësisht sfidave të luftës që i janë imponuar, Ukraina e ka vendosur të ardhmen e saj ekonomike, kulturore dhe politike me Evropën, diçka që Rusia është përpjekur ta parandalojë me vite, por pa dashje po e përshpejton tani” tha zoti Hoxha.
Ndërsa mbështet këtë zgjidhje, Shqipëria njeh nga ana tjetër nevojën e mbajtjes së përgjegjësisë për shkaktarët sa dhe efektin e përgjithshëm global të saj.
“Ndërsa kjo luftë kalon në dimrin e saj të dytë të plotë, ne duhet të pranojmë realitetin e pashmangshëm se rezultati në Ukrainë do të përcaktojë ndjeshëm nëse bota jonë do të qeveriset nga ligjet apo nga dhuna e plotë. Kjo është ne duhet të jemi mirënjohës për sakrificat e jashtëzakonshme të ukrainasve për të mbrojtur drejtësinë, lirinë dhe ligjet” tha ambasadori ferit Hoxha.
Thirrja e Shqipërisë i drejtohet edhe njëherë Rusisë që të ndalojë luftën, të tërheqë të gjitha trupat e saj nga kufijtë e njohur ndërkombëtarisht të Ukrainës dhe të angazhohet seriozisht në procesin e vërtetë dhe të drejtë të paqes.
Mbretëria e Bashkuar po dërgon rreth 700 trupa në Qipro në rast se kërkohet një…
Kryedemokrati Sali Berisha ka reaguar pas firmosjes së përfundimit të hetimeve nga SPAK në lidhje…
Shqipëria, vendi europian më pak i njohur me plazhe mahnitëse si Greqia dhe qytete alpine…
“Junior Fest 2024” ka nisur numërimin mbrapsht deri në mbajtjen e natës finale më 27…
Përbërësit (Përbërësit më poshtë janë për 4-5 persona) 4-5 thela mish viçi Dy kunguj të…
Zinku është një mineral për të cilin kohët e fundit është folur shumë. Rëndësia e…
This website uses cookies.