Shqipëria U-17 zyrtarizon dy miqësore ndaj Kosovës
u 17
Shqipëria e 17-vjeçarëve do të zhvillojë dy ndeshje miqësore me përfaqësuesen e Kosovës. FSHF bën me dije se dy federatat kanë rënë dakord për zhvillimin e këtyre dy përballjeve në datat 14 dhe 16 tetor, sfida që do të luhen në Kukës Arena. Kuqezinjtë drejtuar nga trajneri Ardi Behari do të masin forcat për herë të fundit përpara kualifikueseve të Kampionatit Europian.
Kombëtarja shqiptare është shortuar në Grupin 5 së bashku me Portugalinë, Republikën Çeke dhe Malin e Zi. Të gjitha ndeshjet e Grupit 5 do të luhen në Portugalii në datat 15, 18 dhe 21 nëntor.
