Shqipëria U-18, mungon hapi i madhShqipëria e moshës deri në 18 vjeç në basket…

Shqipëria U-18, mungon hapi i madh

Shqipëria e moshës deri në 18 vjeç në basketboll për femra nuk ka mundur ta bëjë dot hapin e madh. Atë fitimit të Kampionatit Europian, Divizioni C, dhe kalimin në Divizionin B. Pas katër fitoresh pikërisht në finalen e madhe vajzat kuqezi, të drejtuara nga Elona Hasanaj, janë mundur nga Malta, 47-56.

Një periodë e parë e ekuilibruar, e cila ka përfunduar në favor të Maltës, 10-9. 10-10 e dyta dhe në pushim 20-19 për Maltën. Pas pushimit, Shqipëria reagon mirë, ndërsa fiton periodën e tretë 16-18 dhe kryeson 36-37. Por e fundit është dërrmuese për vajzat tona. 20-10 për Maltën dhe në total 56-47.

Lojtarja më e mirë e Shqipërisë në këtë ndeshje ishte Brikena Mucenji me 17 pikë të shënuara, 6 kapje topi në tabelë, 2 asiste, 1 rrëmbim të topit në aksion e sipër. Kjo ishte kombëtarja më e mirë në përfaqësim në këtë verë europiane të basketbollit.

Veçse me një kombëtare të moshës deri në 20 vjeç që me shumë vështirësi qëndron në Divizionin B dhe katër ekipe të tjera përfaqësuese përsëri në Divizionin C, U-16 djem e vajza dhe U-18 e vajza, shtuar dhe dështimin e plotë të përfaqësueses së të rriturve, sërisht koshi shqiptar është në vendnumëro. Gjithsesi, edhe kështu basketbolli vazhdon të luhet…

Burimi