Është mbyllur me një humbje përballë Skocisë aventura e Shqipërisë në grupin e saj të fazës së dytë të Eliminatore të Evropianit të futbollit për femra për grupmoshën e Nën-19-vjeçarëve. Vajzat e drejtuara nga trajneri Kreshnik Krepi janë mundur 0-3 në takimin e fundit, të luajtur në Stadiumin “Elbasan Arena”, duke e mbyllur kështu në vendin e dytë të renditjes së grupit B, me 6 pikë, 3 pikë më pak sesa Skocia, që vijon më tej në fazën tjetër.
Në fakt, ndeshja e fundit e vajzave kuqezi ka patur dy tablo, teksa në pjesën e parë, Shqipëria e ka ruajtur të paprekur rrjetën e saj, edhe pse ka qenë skuadra mike që ka bërë një vëllim më të madh loje, duke ndërtuar edhe më shumë raste për shënim, por pa e gjetur dot rrugën e rrjetës. Për rrjedhojë, pjesa e parë do të mbyllet me rrjeta të paprekura, ndërsa e dyta do të shohë skocezet ta rrisin trysninë kundrejt vajzave kuqezi, duke e zhvendosur lojën në gjysmëfushën e Shqipërisë.
Dhe kjo trysni jep fryte, pasi në një blic prej 13 minutash, Skocia e ka gjetur 3 herë rrugën e rrjetës. Mekliri ka shënuar e para për skocezet në minutën e 56-të, ndërsa 7 minuta më pas, është Grinvud që përfiton nga një kombinim i saktë i shoqeve të skuadrës dhe godet befasisht, duke mposhtur Monen në portën kuqezi.
Në minutën e 69-të, MekOulej gjen edhe golin që vulos fitoren 3-0 të Nën-19-vjeçareve të Skocisë ndaj atyre të Shqipërisë dhe, bashkë me të, edhe vendin e parë në grup.
Rezultatet dhe renditja në grupin B2 pas tre ndeshjeve:
Skoci 10-0 Lihtenshejn 03.04.2024
Shqipëri 3-0 Qipro 03.04.2024
Skoci 2-0 Qipro 06.04.2024
Shqipëri 7-0 Lihtenshtejn 06.04.2024
Shqipëri 0–3 Skoci 09.04.2024
Lihtenshtejn 0-5 Qipro 09.04.2024
Renditja e ekipeve pas tre ndeshjeve në grupin B2:
Skoci 9 pikë
Shqipëri 6 pikë
Qipro 3 pikë
Lihtenshejn 0 pikë
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.