Lajme

Shqiptarët e Preshevës protestojnë të hënën:Të marshojmë për identitet dhe dinjitet!

Kryetari i Këshillit Kombëtar Shqiptar, Nevzad Lutfiu, ka njoftuar se nesër, në orën 18:00, do të zhvillohet protesta e paralajmëruar në Preshevë.

Protesta synon të ngrejë zërin kundër shtypjes dhe diskriminimit të shqiptarëve të Luginës së Preshevës nga autoritetet serbe.

Në një postim në rrjetin social Facebook, Lutfiu ka theksuar se kjo marshë është në mbrojtje të të drejtave themelore të shqiptarëve.

“Të gjithë bashkë do të përçojmë zërin e çdo shqiptari të shtypur, diskriminuar, të pasivizuar dhe të shkelur nga Serbia,” ka deklaruar ai.

Ai ka shprehur kërkesat kryesore të protestës, përfshirë përdorimin e teksteve shkollore në gjuhën shqipe për gjimnazistët shqiptarë dhe njohjen e diplomave të universiteteve të Republikës së Kosovës.

Gjithashtu, ai ka bërë thirrje për mundësi të barabarta në punësim për shqiptarët e Luginës.

“Të marshojmë për identitetin dhe dinjitetin tonë. Të dëshmojmë se, edhe përballë apartheidit, shqiptarët e Luginës nuk heshtin, nuk dorëzohen dhe nuk nënshtrohen. Lufta për të drejta, liri dhe barazi do të vazhdojë,” përfundoi Lutfiu.

Kjo është protesta e dytë brenda një muaji kundër shtypjes dhe diskriminimit.

Protesta e cila u mbajt në Bujanoc, muajin gusht,  u thirr nga Këshilli Kombëtar Shqiptar i Luginës së Preshevës, ku morën pjesë shqiptarë nga Presheva, Medvegja dhe Bujanoci.

Sipas organizatorëve kjo protestë, u organizua si përgjigje për politikat diskriminuese dhe trajtimi i pabarabartë që shqiptarët e Luginës së Preshevës po përjetojnë prej vitesh.

RTSH Shkodra

Recent Posts

Spiropali vizitë zyrtare në Shkup, pritet nga Gashi dhe Ali Ahmeti

Kryetarja e Kuvendit të Republikës së Shqipërisë, Elisa Spiropali po zhvillon këtë të hënë (23…

42 seconds ago

Manastirliu: Programi i gjuhës së shenjave për herë të parë në Universitetin e Tiranës

 Për herë të parë këtë vit hapet programi i gjuhës së shenjave në Universitetin e…

2 hours ago

Denaj: Financim fermerëve 15 milionë lekë për serrat e perimeve nga Skema e Investimeve

Skema Kombëtare e Investimeve në Bujqësi 2024, adreson mbështetje financiare për fermerët në ndërtimin e…

2 hours ago

Ekuinoksi i vjeshtës/ Lamtumirë verë! Çfarë duhet të dini për ekuinoksin

Zyrtarisht i japim lamtumirë verës pasi ekuinoksi vjeshtor do të ndodhë  në hemisferën veriore, ku…

2 hours ago

Formula 1, Norris fiton Çmimin e Madh të Singaporit

U nis nga “Pole Position” dhe nuk e lëshoi vendin e parë deri në përfundimin…

2 hours ago

Media franceze “OK Voyage”: 10 vendet që duhen parë patjetër në Shqipëri!

"Një xhevahir i vërtetë i Ballkanit, Shqipëria po del gradualisht në peizazhin turistik evropian”, kështu e…

2 hours ago

This website uses cookies.