Sekretari amerikan i Mbrojtjes, Lloyd Austin, është shtruar në spital që nga e hëna për një problem mjekësor që nuk është bërë publik tha Pentagoni pa dhënë detaje se për çfarë po merrte trajtim apo pse e mbajti të fshehtë qëndrimin e tij në spital gjatë gjithë javës.
Lloyd Austin, është personi i dytë më i rëndësishëm në hierarkinë e ushtrisë amerikane pas Presidentit Joe Biden që është komandanti i përgjithshëm dhe posti i tij kërkon që të jetë gjithë kohës në dispozicion për t’iu përgjigjur çdo lloj krize të sigurisë kombëtare.
Pentagoni tha se Austin pati “ndërlikime pas një procedure mjekësore të kohëve të fundit”, por nuk pranoi të thoshte se për çfarë procedure dhe ndërlikimesh bëhej fjalë.
“Ai po e merr veten mirë dhe do të rifillojë plotësisht kryerjen e detyrave të postit sot,” tha në një deklaratë gjeneral majori i Forcave Ajrore Patrick Ryder, zëdhënësi i lartë i Pentagonit.
Shoqata e gazetarëve të Pentagonit, në një letër drejtuar zyrtarëve të Pentagonit, kritikoi mbajtjen të fshehtë të lajmit nga ana e Departamentit të Mbrojtjes, duke thënë se Sekretari Austin ishte një figurë publike që në një situatë të tillë është i privuar nga privatësia për një trajtim mjekësor./VOA/
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.