Shtetasit kinezë të kapur duke luftuar kundër Ukrainës: Forcat ruse nuk janë aq të forta sa pretendojnë!

Dy shtetas kinezë të kapur duke luftuar kundër Ukrainës thanë  gjatë një konference për shtyp se ishin “ushqyer me gënjeshtra” nga Rusia dhe se forcat e Vladimir Putin nuk ishin aq të forta sa pretendonin.

Ushtarët, Wang Guanjung dhe Zhang Renbo u kapën duke luftuar për Rusinë në Ukrainën lindore në fillim të këtij muaji.

Të lidhur me duar dhe të veshur me veshje ushtarake në një konferencë të organizuar nga Ukrinform, agjencia kombëtare e lajmeve ukrainase, dyshja thanë: “E gjithë Rusia që na ka ushqyer janë gënjeshtra.

Ato janë false, Rusia nuk është aq e fortë sa pretendojnë dhe Ukraina nuk është aq e prapambetur sa thonë ata.”

Zhang dhe Wang thanë se ishin zënë rob menjëherë pasi arritën në vijën e frontit dhe nuk kishin vrarë asnjë trupë ukrainase.

Presidenti Zelensky fillimisht kërkoi që Pekini të shpjegonte pse ushtarët kinezë, siç iu referua ai, po luftonin për Rusinë.

Të dy ushtarakët theksuan se nuk po luftonin në emër të Kinës dhe nuk kishin lidhje me autoritetet shtetërore kineze, por ata u rekrutuan si mercenarë përmes reklamave në internet.

Z. Wang tha se ai ishte rekrutuar përmes një reklame në TikTok.

Ai u tha gazetarëve se më pas udhëtoi përmes autobusëve dhe minibusëve për në Kazan në Rusinë jugperëndimore, përpara se të kalonte nëpër Rostov-on-Don përpara se të hynte në rajonin Donetsk të Ukrainës lindore , ku u regjistrua në ushtri me z. Zhang.

Ndërsa, i riu Zhang u tha gazetarëve se ishte në Rusi si turist kur vuri re një reklamë me ofertën prej dy milionë rubla (18,400 £) dhe vendosi të regjistrohej.

Dyshja u kapën të dy në Donetsk, me pamjet e ndalimit të tyre të publikuara më 8 prill.

Zelensky tha javën e kaluar se kishte të paktën 155 shtetas kinezë që luftonin për Rusinë në luftë, një pretendim që Pekini e ka hedhur poshtë si “të papërgjegjshëm”.

Kina mohon që një numër i konsiderueshëm i qytetarëve të saj të shërbejnë në forcat e armatosura ruse , duke thënë se i këshillon shtetasit që “të shmangin pjesëmarrjen në operacionet ushtarake të çdo pale” dhe është një “mbështetës i vendosur” i paqes në Ukrainë.

Të pyetur për kushtet brenda kampeve ruse, të burgosurit kinezë përshkruan mungesën e ujit dhe energjisë elektrike.

Z. Wang kujtoi një rast kur ata punuan deri në orët e para të mëngjesit, vetëm për t’u dhënë “një majë oriz të papërpunuar”.

1 / 3