Shtohen 1 mijë fidanë pishe / Shoqatat ambjentaliste nisin fushatën në malin e Taraboshit

Nisma e disa viteve më parë nga organizatat mjedisore për mbjelljen e fidaneve të pishave tashmë është kthyer në traditë, e cila po zhvillohet çdo vit.

Ky aksion, që ka nisur pak ditë më parë dhe do të vijojë deri në muajin shkurt,  do të përqëndrohet në malin e Taraboshit

Amjentalisti Mirsad Basha thotë se këtë sëzon do të mbillen rreth 1 mije fidanë pishe, ndërsa synimi i kësaj nisme është që qytetit të Shkodrës t’i kthehet frymëmarrja dhe kjo zonë të kthehet  në një atraksion për qytetarët shkodranë.

Rreth 12 mijë fidan janë mbjellur që nga viti 2019, kur organizata ambjentaliste në bashkëpunim me Bashkinë e Shkodrës dhe shkollat e qytetit kanë ndërmarrë këtë aksion, që do të shtrihet jo  vetëm në malin e Taraboshit, por edhe në zona të tjera të Shkodrës