Shtohen korsitë e biçikletave në Shkodër – Korsia nga Parruca në Rus, pjesë e  projektit për rritjen e sigurisë së përdoruesve të rrugës

Shkodrës i është shtuar një korsi e re biçikletash nga Parruca në drejtim të lagjes Rus.

Kryetari i Bashkisë Shkodër, Benet Beci,  ka inspektuar punimet dhe është njohur me ecurinë e projektit që synon  rritjen e sigurisë së përdorimit të rrugës nga banorët e qytetit.

Gjatë këtij inspektimi, kryebashkiaku  ka marrë edhe përgëzimet nga përdoruesit e biçikletave, të cilët kanë edhe një apel për policinë për largimin e motorëve nga këto korsi, gjë që paraqet  rrezik për pedaluesit.

Kryebashkiaku Beci  tha se kjo ndërhyrje është pjesë e procesit të  krijimit të unazes së korsive të biçikletave që e kthen Shkodrën në një qytet unik për këtë shërbim ndaj banorëve, ndërsa u shpreh se puna për korsitë është e integruar edhe me planin për krjimin e parkimeve të mëdha për automjetet.

Korsia e re e bicikletave që përshkon qendrën e qytetit nga Parruca në lagjen Rus ka një gjatësi prej 1,3 km.

 Kjo ndërhyrje është bazuar në planin e mobilitetit të hartuar nga ekspertë të huaj në bashkëpunim me specialistë të Bashkisë Shkodër me qëllim rritjen e sigurisë së përdoruesve të rrugës dhe shmangien e trafikut.