Shtohen lëvizjet në Muriqan – Mbi 8 mijë persona kanë hyrë e dalë në 24 orët e fundit
24 orët e fundit është rritur fluksi i shtetasve që kalojnë përmes Pikës së Kalimit Kufitar të Muriqanit.
Pjesa më e madhe e shetasve që hyjnë në territorin shqiptar janë emigrantë të cilët kthehen në vendlindje për të kaluar festat.
Sipas të dhënave të autoriteteve doganore, gjatë 24 orëve të fundit, nga kjo pikë kalimi janë përpunuar 8108 shtetas, nga këto 6284 në hyrje të Republikës së Shqipërisë si dhe 1824 në dalje.
Kanë hyrë 2737 automjete dhe kanë dalë 2031 automjete.
Në Pikën e Kalimit Kufitar të Muriqanit aktualisht po punohet me 5 sportele, 2 në hyrje dhe 3 në dalje.
