Është shtyrë më 19 korrik seanca në Gjykatën e Posaçme (GJKKO) për ish-kryeministrin Sali Berisha dhe dhëndrin e tij, Jamarbër Malltezi, për t’u njohur me provat e mbledhura nga SPAK për 2 muaj.
Në një deklaratë për mediat, avokati i Berishës, Genc Gjokutaj tha se janë 12 fashikuj të rinj, por theksoi se nga Gjykata i është kërkuar pagesë për të disponuar kopje të tyre.
SPAK ka marrë edhe 3 muaj kohë për të kryer hetimet, teksa Gjokutaj akuzoi se shtyrja e procesit po bëhet qëllimisht.
“Kanë vënë kusht që këto akte mund të merren përmes pagesës, nuk është problem dëshire për të paguar, por është problem standardi sepse ligji i ka ndarë shpenzimet gjyqësore në fund të gjykimit. Kemi dhe praktikën e zotit Beqajt që ja kanë dhënë aktet. Ne jemi figurë procedurale e kemi të domosdoshme dhe nuk mund të na mohohen. Pse ka gabuar gjykata, rruga e zvarritjes. Gjykata bën atë që i thotë SPAK, për të zvarritur procesin. Prokuroria ka marrë 3 muaj kohë për hetimet. Janë 12 fashikuj që janë përgatitur përgjatë këtyre dy muajve”, u shpreh Gjokutaj.
Berisha dhe Malltezi janë nën hetim në lidhje me privatizimin e ish-kompleksit sportiv Partizani. Berisha ndodhet në arrest shtëpie që prej 30 dhjetorit të vitit të kaluar, ndërsa ka bërë kërkesa të shumta për ndryshim mase sigurie, por që janë refuzuar deri më tani nga gjykata.
Nëndetësja Titan që u shpërbë gjatë zhytjes drejt rrënojave të Titanikut, duke vrarë të pesë…
Ish-zv.ministri i Shëndetësisë, Klodian Rrjepaj po dëshmon në Komisionin Hetimor për Sterilizimin në Kuvend. Prokuroria…
Ministri i Ekonomisë, Kulturës dhe Inovacionit Blendi Gonxhja, priti në një takim pune ambasadoren e…
Ministri i Mbrojtjes Pirro Vengu ka bërë me dije se një prej prioriteteve të institucionit…
“Shqipëria e së ardhmes do të jetë si Italia”, ka qenë kjo deklarata e kryeministrit…
Një sasi lënde plasëse është hedhur në derën e jashtme të një banese në fshatin…
This website uses cookies.