Shuhet Nderi i Kombit Sabah Bizi – Legjenda Sabah Bizi u nda nga jeta në moshën 79-vjeçare
Një prej emblemave të futbollit shkodran dhe atij shqiptar, legjenda Sabah Bizi është ndarë nga jeta këtë të enjte në moshën 79-vjeçare.
Me një karrierë të pasur, që do ta kishte pikënisjen në moshën 17-vjeçare me debutimin e tij në futbollin shqiptar me bluzën e Vllaznisë e më vonë me atë të Partizanit.
Sabah Bizi ishte një nga figurat kryesore të Kombëtares shqiptare, teksa të gjithë e mbajnë mend përballjen e vitit 1967 me Gjermaninë (0-0) dhe duelin e tij me të madhin Beckenbauer, kur ai ishte vetëm 19-vjeç.
Pas lënies së futbollit, karriera e tij do të vijonte si trajner fillimisht me ekipin e Veleçikut të Koplikut e më pas për pak kohë trajner i Vllaznisë, ku mbajti më vonë edhe detyrën e sekretarit të klubit, ndërsa ka punuar për shumë vite si trajner i moshave.
Për të gjithë kontributin e tij sportiv, Sabah Bizi do të vlerësohej në vitin 2020 me titullin e lartë “Nderi i Kombit” nga Presidenti i Republikës.
