Ministrja e Infrastrukturës dhe Energjisë, Belinda Balluku vizitoi këtë të premte (15 shtator) Qendrën Operacionale të Sigurisë Kibernetike (AKCESK), ku monitorohen në kohë reale të gjitha kërcënimet kibernetike në vendin tonë.
Referuar sulmeve kibernetike me të cilat u përball vendi vitin e kaluar, Balluku tha se ato u kryen nga profesionistë, por theksoi se tashmë mbrojtja jonë kibernetike ka avancuar ndjeshëm.
Ministrja, njëherazi edhe zv.kryeministrja, vlerësoi bashkëpunimin me partnerët ndërkombëtarë, duke përmendur atë me Agjencinë e Sigurisë Kibernetike në Izrael, Emiratet e Bashkuara dhe veçanërisht me SHBA.
“Shqiptarët para një viti kanë qenë shumë të shqetësuar për situatën e sulmeve dhe ishin sulme të profesionale dhe jo hakera të rastësishëm adoleshentë. Ka patur një shqetësim shumë të madhe dhe ndaj unë kam vendosur sot, tashmë që ne e kemi ngritur të gjithë sistemin e AKCESK dhe jemi në një moment shumë të mirë. Duhet të flasim edhe për diplomacinë kibernetike, që është shkëmbimi i eksperiencave me palët e tjera të huaja që janë kthyer në partnerë dhe e gjithë situata i gjithë kontrolli ndodh edhe për shkak të bashkëpunimit që kemi mes palëve.
Marrëdhënia që kemi me Agjencinë e Sigurisë Kibernetike në Izrael, me marrëdhëniet që kemi me atë të Emiratet e Bashkuara, partneriteti me SHBA është një nga më të fuqishmit dhe mbështetësi më i madhe në gjithë këtij avancimi që kemi bërë në mbrojtjen kibernetike”, tha Balluku.
Kujtojmë se më 15 korrik, vendi u përball me një sulm të rëndë kibernetik, që çoi në pezullimin e shërbimeve në portalin shtetëror e-Albania për disa ditë. Kryeministri Edi Rama bëri me dije se pas sulmit qëndronte Qeveria iraniane, duke ndërprerë edhe marrëdhëniet diplomatike mes dy vendeve.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.