Siguria në Ballkan- Presidenti Begaj niset drejt Sofjes, merr pjesë në “Procesin e Aqabas”
Presidenti Bajram Begaj, është nisur këtë të enjte (3 prill) për në Sofje të Bullgarisë ku do të marrë pjesë në takimin e nivelit të lartë “The Aqaba Process Balkans Forum III”, që bashkëorganizohet nga Presidenti i Bullgarisë, Rumen Radev dhe Mbreti i Jordanisë Abdullah II.
Presidenti Begaj do t’i bashkohet në këtë samit liderëve shtetërorë, përfaqësuesve të qeverive dhe institucioneve që janë pjesë e “Procesit të Aqaba”-s të cilët do të diskutojnë për çështjet e sigurisë në Ballkan.
Presidenti Begaj do të mbajë një fjalim të posaçëm në këtë forum. Pjesë e agjendës së Presidentit Begaj, janë edhe takimet e veçanta me homologë të tij.
