Siguria në eksplorimin e Alpeve – Guidat shoqëruese dhe markimi i shtigjeve, dy nga elementët e rëndësishëm
Numri i shtigjeve që mund të eksplorohen nga vizitorët e natyrës vitet e fundit po rritet dhe për rrjedhojë kjo ka shtuar interesin për të vizituar Alpet, këtë e pohon edhe drejtuesi i ADZM Shkodër, Agim Dardha.
Pajisja me tabelat informuese ka ndikuar në sigurinë e turistëve, por në çdo rast ato nuk mund të eksplorohen pa një guidë.
ADZM Shkodër nuk e ka një statistikë të guidave locale, por numri i tyre është përherë në rritje.
Mbi 1 milion vizitorë eksploruan nga afër territoret e mbrojtura të qarkut të Shkodrës përgjatë vitit 2024.
Edhe fillimviti aktual ka ruajtur trendin në rritje duke bërë që bujtinat në Theth, Lëpushë apo Vermosh të jenë të rezervuara edhe në janar.
