Silvinjo: Jam krenar për lojtarët e mi

Trajneri i Kombëtares, Silvinjo ka folur pas ndeshjes së humbur 1-0 përballë Spanjës që vulosi dhe kapitullimin e kuqezinjve nga Euro 2024.

“Kam humbur shumë orë gjumë duke menduar për këtë turne, por ne konkurruam në një nivel të lartë dhe vendi do të jetë krenar. Ne duhet të mësohemi të luajmë në turne si ky. Mund të kishim pranuar katër ose pesë gola kundër të gjitha këtyre skuadrave, por ne nuk e bëmë dhe jam krenar për këtë”.

“Spanja është një ekip super i fortë me lojtarë teknikë në mes dhe lojtarë të shpejtë nga jashtë që mund t’ju lëndojnë. Ne nuk e kemi parë këtë nga Spanja vitet e fundit. Ata janë vërtet taktikë dhe me të vërtetë të shpejtë, dhe mbrojnë shumë mirë në tranzicion. Ata janë një ekip masiv dhe kandidatë për të fituar gjithçka”.

“Jam krenar për lojtarët e mi dhe për vendin. Është vetëm hera e dytë në këtë kompeticion. Arritëm të garojmë kundër tre ekipeve të mëdha”.

“Lojtarët e mi dhanë gjithçka në fushë dhe ata do ta mbajnë mend këtë për pjesën tjetër të jetës së tyre. Do të mendojnë për këtë herën tjetër që do dalin në fushë. Askush nuk u poshtërua. Ne po luanim në nivelin më të lartë”.

“Duhet të falënderoj të gjithë lojtarët për paraqitjet e tyre. Nuk ishte e lehtë kundër Spanjës, por, gjashtë muaj më parë, shumë njerëz mendonin se do të pranonim tre, katër ose pesë gola në secilën ndeshje, nuk ishte kështu”.