Çmimi i Madh i Singaporit do të jetë një garë për tu shijuar në Radio Televizionin Shqiptar. Gjatë tre sesioneve të provave zyrtare, ku u vendos edhe renditja e pilotëve për startin e garës ka ndodhur gjithçka.
Në vendin e parë ditën e nesërme në cirkuitin e Marina Bay do të jetë Karlos Sainz. Piloti spanjoll i Ferrari-t përshkroi pistën më shpejt (1:30:984) nga të gjithë pilotët e tjerë duke lënë pas Rasëllin e Mercedes (1:31:056) dhe shokun e skuadrës Lëklerk (1:31:063).
Në sesionin e parë të gjithë vëmendjen e mori piloti i Aston Martin, Lens Stroll. Kanadezi ishte protagonist i një incidenti të frikshëm, i cili detyroi komisarët e garës që të pezullonin për disa minuta zhvillimin e provave zyrtare. 24-vjeçari në xhiron e tij të shpejtë gaboi në kthesën e fundit duke provokuar kështu një aksident ku vetura e tij përfundoi me tri rrota. Pas frikës erdhi qetësia pasi Stroll u komunikoi drejtuesve të skuadrës se nuk kishte pësuar dëmtime fizike.
Në sesionin e dytë të provave zyrtare vëmendjen e mori Red Bull me dy pilotët e saj, të cilët nuk arritën që të kualifikoheshin për në sesionin e fundit, i cili do t’i lejonte që të garonin për “pole position”. Për herë të fundit ku asnjëra nga vetura Red Bull nuk kishin mundur që të renditeshin mes dhjetë vendeve të para në një Çmim të Madh duhet të kthehemi pas në atë që u zhvillua në Soçi të Rusisë në 2018-ën.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.