Situata me Serbinë/ Lajçak në Kosovë, takim me Kurtin, Bislimin dhe përfaqësues të opozitës

Emisari i BE-së për dialogun mes Kosovës dhe Serbisë, Miroslav Lajçak do të takohet këtë të hënë (6 nëntor) me kryeministrin e Kosovës Albin Kurtin, zëvendëskryeministrin Besnik Bislimin si dhe përfaqësuesit e opozitës. Sipas RTK, në vizitën e tij në Prishtinë, dhe takimet që do të zhvillojë, Lajçak do të fokusohet në propozimin e fundit për statusin e Asociacionit të komunave me shumicë serbe në Kosovës.

Një tjetër fokus në takime, do të jetë mundësia për organizimin e një takimi të ri mes Kosovës e Serbisë.

Dy liderët e Kosovës dhe të Serbisë përkatësisht Albin Kurti dhe Aleksandër Vuçiq u takuan në tetor në Bruksel me Presidentin e Francës, Emanuel Makron (Emmanuel Macron), kancelarin gjerman, Olaf Sholz (Scholz), si dhe kryeministren italiane, Xhorxha (Giorgia) Meloni, së bashku me Presidentin e KE-së, Çarls Mishel (Charles Michel), zëvendëspresidenti i KE, Xhosep Borel (Josep Borrell) dhe Përfaqësuesin Special të BE-së për Dialogun Beograd-Prishtinë.

Një ditë më vonë, Gjermania, Franca dhe Italia formalisht kërkuan nga Serbia njohjen de facto të Kosovës ndërsa nga Kosova kërkuan formimin e Asociacionit të komunave me shumicë serbe në Kosovë.