Situata në urgjencën e spitalit – Dëmtime nga fishekzjarret dhe raste intoksikacionesh pas festimeve

Megjithëse nata e ndërrimit të viteve ka qenë e qetë në përgjithësi, sa i takon incidenteve në Spitalin Rajonal të Shkodrës, nuk kanë munguar rastet.

 Mësohet se një person ka pësuar dëmtime në dorë nga fishekzjarret.

I riu ka marrë ndihmën e parë pranë urgjencës së Shkodrës dhe është dërguar në Spitalin e Traumes ne Tiranë për mjekim më të specializuar.

Sipas mjekut Lahi, ka pasur rreth 40 raste të helmimeve nga ushqimet apo abuzimit me alkoolin gjatë natës së ndërrimit të viteve.

Stafi mjekësor vijon të jetë në gatishmëri për t’ju ardhur në ndihmë qytetarëve gjatë ditëve të para të janarit.