Kombëtarja shqiptare e minifutbollit luajti mbrëmjen e djeshme ndeshjen e dytë në Grupin F të Socca World Cup 2024 ndaj Perusë. Kuqezinjtë u mposhtën në këtë takim me rezultatin 2-0.
Trajneri Irtan Sejko e nisi ndeshjen ndaj Perusë me këtë formacion titullar: Kejd Myrta (GK), Joanc Duqi, Endrit Kaca, Guido Tepshi, Erald Leci dhe Armand Gapi.
Pavarësisht se Shqipëria zhvilloi një ndeshje të mirë, nuk arriti të gjente në asnjë moment rrugën e rrjetës. Kombëtarja e Perusë shënoi nga një gol në çdo pjesë dhe mori tre pikët.
Pas përfundimit të ndeshjes së dytë, Shqipëria renditet në vendin e tretë me pikë të barabarta me Perunë dhe Meksikën.
Në ndeshjen e tretë, Shqipëria do të përballet me Letoninë në orën 13:00, më 3 dhjetor. Takimi i fundit i Grupit F është programuar të luhet më 5 dhjetor, në orën 12:00, ku kuqezinjtë do të përballen me Meksikën.
Nëse Shqipëria renditet në dy vendet e para të grupit, do të kualifikohet më tej në raundin e 1/16-ave.
Në territorin ku është zhvilluar aksioni kanë mbetur inertet nga shembja e objekteve. Ato zënë…
Pas publikimit të listës së Kombëtares, me emrat e grumbulluar për dy sfidat ndaj Anglisë…
Salla e Koncerteve në Shkollën Artistike “Prenkë Jakova” çeli dyert për koncertin e Grand Duo-s…
I ashtuquajturi turizmi i lindjeve nuk po ndodh vetëm brenda Shteteve të Bashkuara. Nënat shtatzëna…
Shkrimtari dhe krijuesi lezhjan Ndue Dragusha është vlerësuar në Itali me çmimin special ndërkombëtar të…
Sot, në Ditën Botërore të Konsumatorit, Ministria e Bujqësisë dhe Zhvillimit Rural riafirmon angazhimin e…
This website uses cookies.