Sot në orën 20:30 starton eventi më i rëndësishëm i këngës për fëmijë, “Junior Fest 2023“.
Risitë e këtij viti i prezantoi të premten Tea Zani, skenariste e aktivitetit dhe moderatore e programit “Junior Fest” në Radio Tirana 2, radio ku fokusi vendoset te talentet e reja.
Sivjet në “Junior Fest” marrin pjesë 16 konkurrentë nga moshat 8–14 vjeç.
“Unë pata privilegjin t’i takoja të gjithë konkurrentët para provave. Junior Fest është një surprizë e bukur për gjithë talentet e reja që aspirojnë festivalin e madh, skenën, muzikën, artin. Mendoj se Junior Fest do të jetë një trampolinë e madhe për të kaluar edhe në skena edhe më gjigante,” tha skenaristja e re.
Ky është edicioni i 9-të i Junior Fest, por vjen me një ndryshim.
“Nuk do të ketë një, por disa moderatorë, të cilët do të jenë vetë artistë të rinj këngëtarë në mbështetje të konkurrentëve,” tha moderatorja Zani.
Pjesëmarrja në Junior Fest do të jetë pa pagesë dhe në prova u vërejt interes i madh nga kalimtarët dhe turistët kuriozë.
Ndryshe nga vitet e kaluara, ky edicion nuk do të ketë vetëm një çmim të madh.
“Do të jenë tre çmime: Çmimi i Qendrës Tumo, Çmimi Radio Tirana 2 dhe Çmimi i Madh. Çmimi i madh do i çojë këngëtarët në Junior Eurovision të këtij viti që mbahet në Nisë të Francës, më 26 nëntor,” shtoi skenaristja e re.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.