Spalletti kërkon përforcime në Francë, Italia synon “xhevahirin” e Lionit
Ai është një nga lojtarët e rinj më interesantë në futbollin evropian. Luan për Lyon, është 21 vjeç dhe mund të bëjë gjithçka nga mesfusha e lart: mesfushor sulmues, sulmues i dytë, si anësor. Quhet Rayan Cherki, është francez me nënshtetësi algjeriane dhe ka edhe pak gjak italian, duke qenë se gjyshja e tij nga babai është me origjinë nga Bari.
Duke pasur parasysh se ai nuk ka debutuar ende me kombëtaren franceze, përveçse kërkohet me ngulm nga kombëtarja algjeriane, është bërë një sugjerim edhe për Italinë e Spallettit.
Sipas RMC Sport, në fakt, Federata Italiane e Futbollit (FIGC) do të kishte intensifikuar kontaktet me stafin, agjentët dhe familjen e Cherkit, për ta bindur atë të veshë fanellën e kaltër.
