Spektakël golash, Manchester United fiton në limite
Me një përfundim dramatik, Manchester United mundi Wolverhampton 4-3 në Molineux, në ndeshjen e javës së 22-të të Premier League, duke iu afrua zonës së Evropës. Rashford në minutën e 5-të dhe Hojlund në minutën e 22-të, bënë që formacioni i Ten Hag të kishte menjëherë një avantazh të dyfishtë, që mbeti në fuqi gjatë gjithë pjesës së parë.
Megjithatë, në pjesën e dytë Sarabia realizoi nga 11 metra në minutën e 71-të, pas penalltisë që u dha me VAR. McTominay katër minuta më vonë riktheu edhe njëherë qetësinë tek Unitedi, por gjithçka u ndërlikua pesë minuta nga fundi, atëherë kur Kilman, shënoi për 3-2.
Minutat shtesë ishin një ndeshje më vete ku u shënuan dy gola. Fillimisht Pedro Neto shënoi për Wolverhampton për 3-3 në minutën e 5-të të kohës shtesë, por 18-vjeçari Kobbie Mainoo, dy minuta më vonë, realizoi për të siguruar pikët e plota për skuadrën e Unitedin.
Manchester United ngjitet në vendin e 7-të me 35 pikë, ndërsa Ëolverhampton mbetet me 29 pikë në vendin e 11-të.
